သိုင်းလောက(IT)တချို့နေရာမှ အနားယူခြင်း
သိုင်းလောက သို့ မြန်မာပြည် IT ရပ်ဝန်း ၂၀၀၆ နှစ်ကုန်ပိုင်းလောက်မှာ ပညာသင်ဘဝနဲ့ IT လောကထဲကိုစဝင်ခဲ့တယ်။ ၉ လလောက်လုပ်ပြီးချိန်မှာ ယောင်ယောင်မှားမှား စင်ကျားပူကျွန်းလေးကို အလုပ်ရှာမယ်ဆိုပြီး ၂ လတာသွားရောက်ခဲ့ဖူးပါတယ်။ ကံမကောင်း ပညာမပြည့်စုံတော့ အလုပ်ကမရနိုင်ဆိုတာ ဟိုရောက်မှသေချာသိတော့တယ် အဲ့လောက်ကို တုံးအခဲ့တာပါ။ မြန်မာပြည်ကိုပြန်ရောက်ပြီးတော့ MSI Authorized Distributor မှာဝင်လုပ်ခဲ့တယ်။ ပြီးတော့ CP ကုမ္ပဏီကို ပြောင်းရွေ့ခဲပြီး ၈ နှစ် ၂ လလောက် အလုပ်လုပ်ခဲ့ပါတယ်။ ပြီးတော့ ကိုကာကိုလာကိုမှာ ၉ လလောက်လုပ်ပြီး၊ အပြင်မှာ ကိုယ်ပိုင် System Integrator လုပ်ငန်းငယ်ကိုစတည်ခဲ့တယ်။ CP မှာလုပ်နေစဉ်တုန်းအချိန်တွေမှာတော့ IT လောကထဲမှာ ဟိုနေရာပါဒီနေရာကောင်းတဲ့ အချိန်တွေပေါ့ဗျာ။ ယူနီကုဒ်ကိစ္စဆိုရင် အတော်ကို ထဲထဲဝင်ဝင်ပါခဲ့တယ်။ အခုလည်း ဆက်လက်ပါဝင်နေဆဲလို့ပြောလို့ရပါတယ်။ ဒီလောကထဲ ကျင်လည်လာတာ ၁၀ နှစ်ကြော်ပြီဆိုတော့ တခါတလေ အတော်မျက်စိနောက်စရာ ကိစ္စတွေတွေ့လာရတယ်။ တွေ့ရင်လည်း မနေနိုင်မထိုင်နိုင်သွားသွားပြောမိတယ်။ နောက်ပိုင်း စီးပွားရေးကို ဦးစားပေးဖြစ်တော့ ဟိုဝင်ပါဒီဝင်ပါ မလုပ်ဖြစ်တော့ဘူ...
